above post ad local

അവന്റെ റൺ വേട്ട അത്യുഗ്രൻ, വ്യത്യസ്തമായ പല തരം ഷോട്ടുകൾ അവന്റെ കൈയ്യിലുണ്ട്; ദിനേഷ് കാർത്തിക്കിനെ വാനോളം പ്രശംസിച്ച് ആകാശ് ചോപ്ര

ഇന്ത്യന്‍ ക്രിക്കറ്റില്‍ അത്ഭുതം തീര്‍ക്കുകയാണ് ദിനേഷ് കാര്‍ത്തിക് എന്ന തമിഴ്‌നാട് താരം. കരിയര്‍ അവസാനിച്ചെന്ന് ഏവരും കരുതിയ കാര്‍ത്തിക് ഗംഭീര തിരിച്ചുവരവ് നടത്തുകയും ലോകകപ്പ് ടീമില്‍ ഉള്‍പ്പെടുമെന്ന് ഏറെക്കുറെ ഉറപ്പിക്കുകയും ചെയ്തിരിക്കുകയാണ്. ഐപിഎല്ലിലെ മിന്നുന്ന പ്രകടനത്തോടെയാണ് കാര്‍ത്തിക് ഒരിക്കല്‍ക്കൂടി ദേശീയ ടീമിലെത്തിയത്. ദക്ഷിണാഫ്രിക്കയുടെ ലോകോത്തര ബൗളിങ് നിരയ്‌ക്കെതിരെ കാര്‍ത്തിക് തിളങ്ങുകയും ചെയ്തു.

ഇന്ത്യയുടെ ആദ്യ അന്താരാഷ്ട്ര ടി20 മത്സരത്തില്‍ കളിച്ച താരമാണ് കാര്‍ത്തിക്. അന്ന് കാര്‍ത്തിക്കിനൊപ്പമുണ്ടായിരുന്നവരെല്ലാം വിരമിച്ചു. കാര്‍ത്തിക് കളിച്ചുകൊണ്ടിരിക്കെ ടീമിലെത്തിയ എംഎസ് ധോണി ഒട്ടേറെ മത്സരങ്ങളില്‍ ഇന്ത്യയെ നയിക്കുകയും ലോകകപ്പ് ഉള്‍പ്പെടെ നേടിക്കൊടുക്കുകയും ചെയ്തു. ധോണിയും അന്താരാഷ്ട്ര കരിയര്‍ അവസാനിപ്പിച്ചുകഴിഞ്ഞു. എന്നാല്‍, യുവ ബാറ്ററെ പോലെ ദേശീയ ടീമിലേക്ക് കാര്‍ത്തിക് മടങ്ങിയെത്തുമ്പോള്‍ ധോണിയേക്കാള്‍ മികച്ചവനോ കാര്‍ത്തിക് എന്ന് ചോദിക്കുന്ന ആരാധകരുണ്ട്.

കാര്‍ത്തിക് ലോകകപ്പ് ടീമിലേക്കുള്ള ടിക്കറ്റ് ഉറപ്പിക്കുമ്പോള്‍ താരത്തിന്റെ പ്രകടനത്തെക്കുറിച്ച് പ്രതികരണവുമായി എത്തിയിരിക്കുകയാണ് മുന്‍ ഇന്ത്യന്‍ താരം ആകാശ് ചോപ്ര. കാര്‍ത്തിക് കളിച്ച ശൈലി വിലയിരുത്തിയാല്‍ അതിഗംഭീരമെന്ന് പറയാം. ഏറ്റവും ബുദ്ധിമുട്ടുള്ളൊരു പൊസിഷനിലാണ് കാര്‍ത്തിക് ഇറങ്ങുന്നത്. ഇത്രയും നീണ്ട കരിയര്‍ അപൂര്‍വമാണ്. ധോണി തന്റെ കരിയര്‍ അവസാനിപ്പിച്ചെങ്കിലും കാര്‍ത്തിക് തുടരുകയാണെന്നും ചോപ്ര ചൂണ്ടിക്കാട്ടി.

ദക്ഷിണാഫ്രിക്കയ്‌ക്കെതിരായ പരമ്പരയിലെ 4 കളികളില്‍ നിന്നും കാര്‍ത്തിക് 92 റണ്‍സാണ് നേടിയത്. 158.62 ആണ് ഈ മുപ്പത്തിയേഴുകാരന്റെ സ്‌ട്രൈക്ക് റേറ്റ്. കരിയറിലെ ആദ്യ അര്‍ധശതകവും ഈ പരമ്പരയില്‍ കാര്‍ത്തിക് കുറിച്ചു. ഐപിഎല്ലില്‍ 200 ന് അടുത്തുള്ള സ്‌ട്രൈക്ക് റേറ്റ് നേടിയ കാര്‍ത്തിക് വെടിക്കെട്ട് ബാറ്റിങ്ങിലൂടെ ടി20 ലോകകപ്പിലും ഇന്ത്യന്‍ പ്രതീക്ഷയായി മാറിക്കഴിഞ്ഞു.

- Advertisement -

- Advertisement -

- Advertisement -

Comments are closed.