above post ad local

രണ്ടാം തരംഗം: 70% രോഗികളും 40 കഴിഞ്ഞവർ; ലക്ഷണങ്ങൾ കുറവ്, ശ്വാസതടസമുള്ളവർ കൂടുന്നു

ന്യൂഡൽഹി: രാജ്യത്തെ കോവിഡ് രണ്ടാംതരംഗത്തിൽ രോഗ ലക്ഷണങ്ങളുടെ തീവ്രത ആദ്യ തരംഗത്തെ അപേക്ഷിച്ച് തീരെ കുറവാണെ(very less)ന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് ഡയറക്ടർ ജനറൽ ഡോ. ബൽറാം ഭാർഗവ. രണ്ടാം തരംഗത്തിൽ മറ്റ് ലക്ഷണങ്ങളെ അപേക്ഷിച്ച് ശ്വാസതടസ്സം അനുഭവപ്പെട്ടവരുടെ എണ്ണം കൂടുതലാണെന്നും അദ്ദേഹം വാർത്താ ഏജൻസിയായ എ.എൻ.ഐയോടു കൂട്ടിച്ചേർത്തു. ആദ്യ തരംഗത്തിൽ വരണ്ടചുമ, സന്ധി വേദന, തലവേദന തുടങ്ങിയ ലക്ഷണങ്ങളായിരുന്നു കൂടുതലായും പ്രകടമായിരുന്നത്.

കോവിഡിന്റെ രണ്ടാം തരംഗത്തിൽ യുവാക്കളും കുട്ടികളുമാണ് കൂടുതൽ രോഗബാധിതരാകുന്നതെന്ന വാദവും അദ്ദേഹം തള്ളി. ഒന്നാമത്തെയും രണ്ടാമത്തെയും തരംഗത്തിൽ രോഗബാധിതരായവരിൽ 70 ശതമാനവും 40 വയസ്സിനു മുകളിൽ പ്രായമുള്ളവരാണ്. കോവിഡ് ബാധിതരായ ചെറുപ്പക്കാരുടെ എണ്ണത്തിൽ നേരിയ വർധന മാത്രമാണുള്ളത്. ആദ്യ തരംഗത്തിൽ കോവിഡ് ബാധിച്ചവരുടെ ശരാശരി പ്രായം 50 വയസ്സായിരുന്നു. രണ്ടാം തരംഗത്തിൽ ഇത് 49 വയസ്സാണ്. രണ്ടാം തരംഗത്തിലും ആശുപത്രിയിൽ പ്രവേശിപ്പിച്ച് ചികിത്സ തേടേണ്ടി വരുന്നത് കൂടുതലും പ്രായമായവർക്ക് തന്നെയാണ്.

0-19 വരെയുള്ള പ്രായക്കാരിൽ ആദ്യ തരംഗത്തിലെ രോഗബാധാ നിരക്ക് 4.2ശതമാനവും രണ്ടാം തരംഗത്തിൽ 5.8 ശതമാനവുമാണ്. 20-40 വരെ പ്രായമുള്ളവരിൽ ആദ്യ തരംഗത്തിൽ 23 ശതമാനവും രണ്ടാം തരംഗത്തിൽ 25 ശതമാനവുമാണ് രോഗബാധാനിരക്ക്. നേരിയ വ്യത്യാസം മാത്രമേ ഇതിലുള്ളൂ. രോഗബാധിതരിൽ 70 ശതമാനത്തിൽ അധികം പേരും നാൽപ്പതോ അതിനു മുകളിലോ പ്രായമുള്ളവരാണെന്നും ഡോ. ബൽറാം ഭാർഗവ പറഞ്ഞു.

- Advertisement -

- Advertisement -

- Advertisement -

Comments are closed.