above post ad local

കോഴിക്കോട് മെഡി. കോളേജിൽ ബ്ലാക്ക് ഫംഗസ് മരുന്ന് എത്തി, മരുന്ന് ക്ഷാമത്തിന് താൽക്കാലിക പരിഹാരം

0

കോഴിക്കോട്: കോഴിക്കോട് മെഡിക്കൽ കോളേജ് ആശുപത്രിയിൽ ബ്ലാക്ക് ഫംഗസിനുള്ള മരുന്ന് എത്തി. 20 വയൽ മരുന്നാണ് ഇന്നലെ രാത്രിയിൽ എത്തിച്ചത്. കഴിഞ്ഞ ഞായറാഴ്ച മുതൽ മെഡിക്കൽ കോളേജിൽ മരുന്ന് ക്ഷാമം രൂക്ഷമായിരുന്നു. ബ്ലാക്ക് ഫംഗസ് ചികിത്സക്കായി ഉപയോഗിക്കുന്ന ലൈപോസോമല്‍ ആംഫോടെറിസിന്‍, ആംഫോടെറിസിന്‍ എന്നീ രണ്ട് മരുന്നുകളുടെയും സ്റ്റോക്ക് തീർന്നതാണ് പ്രതിസന്ധി സൃഷ്ടിച്ചത്.

ലൈപോസോമിൽ ആംഫോടെറിസിൻ എന്ന മരുന്നാണ് എത്തിച്ചത്. എന്നാൽ ആംഫോടെറിസിന്‍  മരുന്ന് ഇതുവരെയും എത്തിച്ചിട്ടില്ല. വരും ദിവസങ്ങളിൽ കൂടുതൽ മരുന്ന് എത്തിയില്ലെങ്കിൽ വീണ്ടും പ്രതിസന്ധിയുണ്ടാകുമെന്നും മെഡിക്കൽ കോളേജ് സൂപ്രണ്ട് പറഞ്ഞു. നിലവിൽ 16 രോഗികളാണ് മെഡിക്കൽ കോളേജിൽ ചികിത്സയിലുള്ളത്. ഇതിൽ നാല് രോഗികൾ ഗുരുതരാവസ്ഥയിലാണ്.

- Advertisement -

- Advertisement -

- Advertisement -

Leave A Reply

Your email address will not be published.