above post ad local

തിരുത്തണമെന്ന് ആവശ്യപ്പെട്ട് ലീഗ്: ജില്ലാ കമ്മിറ്റികൾ അയച്ച കത്തുകൾ പിൻവലിപ്പിക്കാൻ നീക്കം

മലപ്പുറം: സ്ത്രീത്വത്തെ അപമാനിച്ച സംസ്ഥാന നേതൃത്വത്തിനെതിരെ നടപടി ആവശ്യപ്പെട്ട് എംഎസ്എഫ് ജില്ലാക്കമ്മിറ്റികൾ അയച്ച കത്തുകൾ പിൻവലിപ്പിക്കാൻ നീക്കം. ഹരിതയെ പിന്തുണക്കുന്ന നിലപാട് തിരുത്തണമെന്ന് കത്തയച്ച ജില്ലാ കമ്മിറ്റികളോട് മുസ്ലീം ലീഗ് നേതൃത്വം ആവശ്യപ്പെട്ടു. സംസ്ഥാന നേതാക്കൾ ലൈംഗികാധിക്ഷേപം നടത്തിയെന്നാരോപിച്ച് രംഗത്തെത്തിയ ഹരിതയെ പിന്തുണച്ച് എംഎസ്എഫിന്റെ 12 ജില്ലാക്കമ്മിറ്റികളാണ് കത്ത് നൽകിയത്. ആരോപണവിധേയനായ അധ്യക്ഷൻ നവാസിനെതിരെ നടപടി വേണമെന്നാണ് ആവശ്യം. നിലവിൽ 5 ജില്ലാ കമ്മിറ്റികളോടാണ് കത്ത് പിൻവലിക്കാൻ ആവശ്യപ്പെട്ടത്. വനിതാ കമ്മീഷന് ഹരിത പരാതി നൽകിയതിന് തൊട്ടടുത്ത ദിവസമാണ് നടപടി ആവശ്യപ്പെട്ട് ജില്ലാ ഘടകങ്ങൾ കത്ത് അയച്ചത്.

അതിനിടെ ഹരിതയ്ക്ക് പിന്തുണയില്ലെന്നും സംസ്ഥാന നേതൃത്വത്തെ അംഗീകരിക്കുന്നെന്നും കാണിച്ച് ആറ് ജില്ലാ കമ്മറ്റികൾ മുസ്ലിം ലീഗ് ജനറൽ സെക്രട്ടറിക്ക് കത്തയച്ചു. തൃശ്ശൂർ ഇടുക്കി, ആലപ്പുഴ, മലപ്പുറം, പാലക്കാട്, എറണാകുളം ജില്ലകളാണ് കത്തയച്ചത്.

- Advertisement -

- Advertisement -

- Advertisement -

Comments are closed.