above post ad local

പൊതുസ്ഥലത്തുവച്ച് ഭാര്യയെ ചുംബിച്ചെന്ന് ആരോപണം; ഭര്‍ത്താവിന് ജനക്കൂട്ടത്തിന്റെ മര്‍ദനം

അയോധ്യ: പൊതുസ്ഥലത്ത് ഭാര്യയെ ചുംബിച്ചയാള്‍ക്ക് നേരെ ജനക്കൂട്ടത്തിന്റെ ആക്രമണം. ഉത്തര്‍പ്രദേശിലെ അയോധ്യയിലെ സരയു നദിയില്‍ കുളിക്കാനിറങ്ങിയ ഭര്‍ത്താവും ഭാര്യയും പരസ്യമായി ചുംബിച്ചുവെന്ന് ആരോപിച്ചാണ് ഭര്‍ത്താവിന് മര്‍ദനമേറ്റത്.

ഒരു സംഘം ആളുകള്‍ ഭര്‍ത്താവിനെ മര്‍ദിക്കുന്നതിന്റേയും വലിച്ചിഴയ്ക്കുന്നതിന്റേയും ദൃശ്യങ്ങള്‍ പുറത്തുവന്നിട്ടുണ്ട്. ഭര്‍ത്താവിനെ നദിയില്‍ നിന്ന് വലിച്ചിഴച്ച് കരയിലേക്ക് കൊണ്ടുവരുന്നതും ഭാര്യ തടയാന്‍ ശ്രമിക്കുന്നതും ദൃശ്യങ്ങളില്‍ കാണാം. പൊതുസ്ഥലത്ത് ഇത്തരത്തില്‍ പെരുമാറുന്നത് ഭാരതീയ സംസ്‌കാരത്തിന് ചേര്‍ന്നതല്ലെന്നും നിങ്ങള്‍ക്ക് കുടുംബമില്ലേ എന്നും ചോദിച്ചാണ് ആള്‍ക്കൂട്ടം ഇയാളെ മര്‍ദിക്കുകയായിരുന്നു.

സംഭവത്തില്‍ പോലീസ് അന്വേഷണം ആരംഭിച്ചിട്ടുണ്ട്. അതേസമയം പരാതി ലഭിച്ചിട്ടില്ലെന്നാണ് അയോധ്യ പോലീസ് വൃത്തങ്ങള്‍ പ്രതികരിച്ചത്.

- Advertisement -

- Advertisement -

- Advertisement -

Comments are closed.