above post ad local

വയനാട്ടിൽ പുള്ളിമാനെ വേട്ടയാടിയ സംഭവം; രണ്ട് പേര്‍ അറസ്റ്റില്‍

പുല്‍പ്പള്ളി: ചാമപ്പാറയില്‍ പുള്ളിമാനെ വേട്ടയാടി കൊന്ന സംഭവത്തില്‍ രണ്ട് പേരെ വനം വകുപ്പ് അറസ്റ്റ് ചെയ്തു.സീതാമൗണ്ട് തട്ടുപുരക്കല്‍ വിനീഷ്(43) , ശശിമല പൊയ്കയില്‍ സുരേഷ് (44) എന്നിവരെയാണ് അറസ്റ്റ് ചെയ്തത്.  ഈ മാസം 6 നാണ് വിനീഷിന്റെ കൃഷിയിടത്തില്‍ എത്തിയ ഷെഡ്യുള്‍ 3 ല്‍പ്പെട്ട പുള്ളിമാനെ വേട്ടയാടുകയായിരുന്നു. തുടര്‍ന്ന് ചെതലയം റെയ്ഞ്ചര്‍ അബ്ദുള്‍ സമദിന് ലഭിച്ച രഹസ്യവിവരത്തെ തുടര്‍ന്ന് വനം വകുപ്പ് നടത്തിയ പരിശോധനയിലാണ് ഉണക്കി വെച്ച 5 കിലോയോളം ഇറച്ചിയും വേവിക്കാന്‍ വച്ച ഇറച്ചിയും ഫ്രിഡ്ജില്‍ സൂക്ഷിച്ചതുള്‍പ്പടെ പത്ത് കിലോയോളം ഇറച്ചിയും മാനിനെ വെടിവയ്ക്കാന്‍ ഉപയോഗിച്ച നാടന്‍ തോക്കുമുള്‍പ്പടെ വനം വകുപ്പ് പിടികൂടിയത്.

 

ഇതിനായി ഉപയോഗിച്ച ജീപ്പും ബൈക്കുമുള്‍പ്പടെ വനം വകുപ്പ് കസ്റ്റഡിയിലെടുത്തു.മാനിന്റെ തോലുള്‍പ്പടെയുള്ള അവശിഷ്ടങ്ങള്‍ പുഴയില്‍ ഒഴുക്കി കളയുകയായിരുന്നു.ചെതലയം റെയ്ഞ്ചര്‍ കെ.പി അബ്ദുള്‍ സമദ്, പുല്‍പ്പള്ളി ഫോറസ്റ്റ് സ്‌റ്റേഷന്‍ ഡെപ്യൂട്ടി റെയ്ഞ്ചര്‍ സുനില്‍കുമാര്‍, ഫോറസ്റ്റര്‍ മണികണ്ഠന്‍ എന്നിവരുടെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത് തെളിവെടുപ്പിന് ശേഷം പ്രതികളെ ശനിയാഴ്ച കോടതിയില്‍ ഹാജരാക്കും

- Advertisement -

- Advertisement -

- Advertisement -

Comments are closed.